FİFA Azərbaycanda qadın futbolu haqqında məqalə dərc edib

FİFA-nın rəsmi saytında Azərbaycanda qadın futbolunun inkişafı ilə bağlı məqalə dərc olunub. Nəşr 20 ildən artıq müddətdə qadın futbolunun inkişafındakı nailiyyətlərdən bəhs edir. Hələ 2003-cü ildə yaradılmış qadın futbolu üzrə Azərbaycan çempionatı bu il 20 illik yubileyini qeyd edir.

Məqalədə vurğulanır ki, artan həvəs sayəsində qadın futbolu Azərbaycan futbol mənzərəsində öz möhkəm yerini tutur. Belə ki, ötən həftə Bakıda qadın klublarının lisenziyalaşdırılması ilə bağlı seminar keçirilib. Yeni mövsümdə Azərbaycan üç yeni lisenziya növü təqdim edir: 1-ci Kişilər Liqası lisenziyası, UEFA Qadınların Çempionlar Liqası lisenziyası və Qadınların Premyer Liqasının milli lisenziyası.