Filarmoniyada Niyazinin 111 illiyi qeyd olundu

Maestronun 111 illik yubileyi münasibətilə Müslüm Maqomayev adına Azərbaycan Dövlət Akademik Filarmoniyasında Niyazinin ən məşhur əsərləri səsləndirilib. Tamaşaçılar qarşısında Fuad İbrahimovun rəhbərliyi ilə Üzeyir Hacıbəyli adına Azərbaycan Dövlət Simfonik Orkestri çıxış edib.

SSRİ Xalq Artisti, dirijor və bəstəkar Niyazi Hacıbəylinin yaradıcılığının pərəstişkarları üçün orkestr nəinki Niyazinin məşhur “Rast” simfonik muğamını ifa edib, həm də Fuad İbrahimov bu əsərin musiqi əlyazmasını da təqdim edib.