Gələcək inteqrasiyanındır

Azərbaycan Aİİ-nin bütün ölkələri ilə bir sıra istiqamətlər üzrə sıx şəkildə qarşılıqlı fəaliyyət aparır. Bu beynəlxalq nəqliyyat layihələri, ticarətin inkişafı, qarşılıqlı investisiyalardır.

Ona görə bizim ölkəmizdə təşkilatla daha da yaxınlaşma müzakirə olunur. Azərbaycan artıq Aİİ dövlətləri ilə fəal şəkildə əməkdaşlıq edir. Məsələn, taxıl idxalını götürək: bu ilin birinci rübündə ölkəmiz RF-dan buğda alışını üç dəfə artırıb – onların həcmi 230 min tonu ötüb, Qazaxıstandan tədarüklər 1,7 dəfə artıb.

24-25 mayda Moskvada Azərbaycan nümayəndə heyəti İttifaqın məkanında mühüm hadisədə – AİF-2023-də iştirak etmişdir. Onun tədbirləri “Çoxqütblü dünyada Avrasiya inteqrasiyası” devizi altında keçib.

II Avrasiya İqtisadi Forumuna 54 ölkədən hökumət və biznes orqanlarının 2,5 mindən çox nümayəndəsi gəlib. Ali Avrasiya İqtisadi Şurasının geniş tərkibdə iclasında Azərbaycan Prezidenti İlham Əliyev ilk dəfə – xüsusi qonaq kimi iştirak edib. İclasda ölkəmizin rəhbəri qarşılıqlı ticarətdə əldə olunan uğurlar haqqında danışıb. Belə ki, 2022-ci ildə Azərbaycanın Aİİ ölkələri ilə ticarət dövriyyəsi 31% (4,7 milyard dollara qədər), 2023-cü ilin yanvar-aprel aylarında – daha 38% artıb. Keçən il ölkəmizin xarici ticarət dövriyyəsinin təxminən 9%-i Aİİ dövlətlərinin payına düşüb, və bu rəqəmin artacağını güman etmək üçün bütün əsaslar var.

Forum iştirakçıları ümumi nailiyyətlər və birgə layihələrin həyata keçirilməsi haqqında danışıblar. Belə ki, dünya ticarətində olan böhrana baxmayaraq, Aİİ ÜDM-i cəmi 1,6% azalıb, RF Prezidenti Vladimir Putin plenar iclasda bildirib. Qərbin proqnozlarının əksi olaraq, Birlik ölkələrinin iqtisadiyyatı sabitliyi saxlayıb.

2022-ci ildə Azərbaycan və Aİİ ölkələri arasında ticarət dövriyyəsi 31% artıb və 4,7 milyard dollar təşkil edib, Aİİ daxilində ticarət dövriyyəsi elə həmin dövrdə 14% artıb. Bu zaman qarşılıqlı ticarətdə Birlik ölkələri faktiki olaraq milli valyutalarda hesablaşmalara keçiblər, onların payı martda 90%-ə çatıb.

Artıq indi həm İttifaq daxilində, həm də onun hüdudlarından kənarda yeni logistik zəncirlər yaradılır. Söhbət beynəlxalq nəqliyyat marşrutlarının, ilk növbədə “Şimal-Cənub” BND layihəsi üzrə sürətləndirilmiş inkişafından gedir.

Aİİ məkanında birgə səylər sayəsində fəal şəkildə aqrar-sənaye kompleksi inkişaf edir. Son 5 ildə kənd təsərrüfatı istehsalının həcmi 114 % təşkil etmiş, İttifaqın bütün ölkələri demək olar ki, özünü əsas kənd təsərrüfatı məhsulları ilə tam təmin edir. Kənd təsərrüfatının inkişafı üçün onlar dairəvi iqtisadiyyatın yüksək texnoloji alətlərini tətbiq etməyə davam edəcək, həmçinin Aİİ-də organik kənd təsərrüfatı məhsullarının ümumi bazarını formalaşdıracaqlar.

Aralıq nəticələr və gələcək planlar optimizim hiss etdirir: Aİİ-də iştirak Birliyin bütün ölkələrinin iqtisadi inkişafını stimullaşdırır, bu isə o deməkdir ki, Azərbaycanın bu beynəlxalq birliyə mümkün qoşulmasını yalnız alqışlamaq lazımdır.