Gəncədə Heydər Əliyev haqqında filmin təqdimatı keçib

Fikrət Əmirov adına Gəncə Dövlət Filarmoniyasında ümummilli lider Heydər Əliyevin xatirəsinə həsr olunmuş “Heydər Əliyev və Gəncə mədəniyyəti” filmi nümayiş olunub. Ramil Qasımovun filmi sənət adamlarının Heydər Əliyevlə bağlı xatirələrini özündə əks etdirir, həmçinin onun Gəncə şəhərinin ictimai-siyasi və mədəni həyatında əldə etdiyi nailiyyətləri təqdim edir.

Tədbirdən əvvəl Filarmoniyanın foyesində tematik sərgi təşkil olunub. Çıxışdan sonra isə Fikrət Əmirov adına Gəncə Dövlət Filarmoniyasının Kamera Orkestri ulu öndər Heydər Əliyevin sevimli musiqi əsərlərini ifa edib.