Gəncədə istedad müsabiqəsinə start verilib

Fikrət Əmirov adına Gəncə Dövlət Filarmoniyasında “Gəncin gəncləri” layihəsinə start verilib. Tədbir fevralın 2-də qeyd olunan Azərbaycanda Gənclər Gününə təsadüf edir. Layihə çərçivəsində Gəncədə yaşayan və yaradıcılıqla məşğul olan istedadlı gənclər seçiləcək. Müsabiqə yanvarın 27-dək davam edəcək.

Müsabiqədə iştirak etmək üçün hər kəs şəxsi məlumatlarını və əsərlərinin fotoşəkillərini Filarmoniyanın Instagram sosial şəbəkəsindəki rəsmi səhifəsinə (ganja_philharmonic_hall) göndərə bilər. Layihənin nəticəsi olaraq gənc rəssamların, heykəltəraşların və fotoqrafların əsərlərinin təqdim olunacağı sərgi təşkil olunacaq. Əlavə məlumatı 0508733710 nömrəsinə zəng etməklə əldə edə bilərsiniz.