Gamesummit Winter Baku keçirildi

Ötən həftə sonu paytaxtdakı Fairmont Flame Towers otelində geymerlər arasında ən çox gözlənilən tədbirlərdən biri olan Gamesummit Winter Baku-2023 baş tutub. Tədbir kompüter, konsol və mobil oyunların həvəskarlarını və tərtibatçılarını bir araya gətirir.

Onlarla şirkət və minlərlə oyunçu, kospleyer və müasir texnologiya həvəskarları virtual reallıq və oyunlar sahəsində ən son yenilikləri görmək və müzakirə etmək üçün yenidən bir dam altında toplandılar. İlk belə toplantı artıq bu ilin yayında keçirilib və dərhal oxşar mövzuda tədbirlərə tələbat olduğunu göstərib. Gamesummit-in qış versiyasında həmçinin oyun turnirləri, kospley yarışmaları və K-Pop sənətçilərinin çıxışları var idi. Burada Fortnite, Valorant, Counter Strike 2, Mortal Kombat 1, EA Sports FC 24, Dota 2, League of Legends və Tekken 7 oyunlarında çempionatlar keçirilib.