Gövhər Beydullayeva şahmat üzrə dünya çempionatının qalibi olub

Azərbaycan təmsilçisi Gövhər Beydullayeva İtaliyada keçirilən gənclər arasında sürətli dünya çempionatında birinci yeri tutub. Şahmatçımız doqquz xal toplayıb, ikinci yeri tutan qazaxıstanlı Kseniya Balabayevanı yarım xal qabaqlayıb. Bundan əvvəl Gövhər gənclər arasında klassik şahmat üzrə dünya çempionu adını qazanıb.

Sardiniyada keçirilən gənclər arasında şahmat çempionatında isə Azərbaycan şahmatçısı Məhəmməd Muradlı 11 turdan 9,5 xal toplayaraq blits üzrə qızıl medal qazanıb. Həmin yarışda Gövhər Beydullayeva blits üzrə 7,5 xalla üçüncü yeri tutub.