Hərbçilərin maaşı artırıldı

Müdafiə Nazirliyinin Əlahiddə Ümumqoşun Ordusunun hərbi qulluqçuları 2023-cü il yanvarın 1-i ilə müqayisədə orta hesabla 2,1 dəfə əməkhaqqı alacaqlar. Həmçinin, 2024-cü il yanvarın 1-dən Müdafiə Nazirliyinin, Dövlət Sərhəd Xidmətinin və Daxili İşlər Nazirliyinin Daxili Qoşunlarının Baş İdarəsinin müddətli həqiqi hərbi xidmət hərbi qulluqçularının vəzifə maaşları orta hesabla 20 faiz artırılacaq.

Müvafiq sərəncamları noyabrın 7-də Azərbaycan prezidenti İlham Əliyev imzalayıb. Sənədlərin mətnləri dövlət başçısının saytında dərc olunub.