Heydər Əliyev Fondu valideynsiz qalan uşaqlar üçün növbəti bayram təşkil edib

Heydər Əliyev Fondunun prezidenti Mehriban Əliyevanın təşəbbüsü ilə valideyn himayəsindən məhrum olmuş uşaqlar üçün növbəti bayram tədbiri təşkil olunub. Festivalda müxtəlif proqramlar təqdim olunub, DJ-lərin və animatorların iştirakı ilə əyləncələr təşkil olunub. Uşaqlar rəqs bacarıqlarını nümayiş etdirdilər. Tədbirdə şagirdlərə nahar da verilib, onlar sərbəst ünsiyyət qurub, bayram təəssüratlarını bölüşüblər. Tədbir 1 saylı uşaq evinin şagirdləri – Əli Həmidov və Qənirə Zeynalovanın və 3 saylı uşaq evinin yetirməsi Cihan İsimxanlının doğum gününə təsadüf edib. Heydər Əliyev Fondu adından ad günləri və tədbirin digər iştirakçılarına hədiyyələr təqdim olunub.