Hiss nadir heyvanlarla parkda klip çəkib

Azərbaycanlı müğənni Hiss (Röya Məmmədova) “Nostalgiya” adlı yeni mahnısına çəkdirdiyi klipi təqdim edib. Video çəkilişlər iyun ayında Lənkəran rayonundakı Xanbulan gölü yaxınlığında və Qırmızı Kitaba daxil edilmiş ən nadir heyvan və bitki növlərinin yerləşdiyi Hirkan Milli Parkında başladı: Hirkan ağacı, dəmir ağacı, şabalıd yarpaqlı palıd, əncir, Hirkan armudu, Lənkəran albiziyası, Qafqaz xurması, qızılağac və başqaları var idi.

Sözlərin və musiqinin müəllifi Asoundadi (Abbas İsmayılov), aranjimanı Nihad Məlikov, klipin rejissoru Emil Jaar (Emil Həşimli) olub.

Röya Məmmədova 14 yaşından musiqi təhsili almağa başlayıb, 15 yaşından “Sən bir nəğməsən” musiqi müsabiqəsində iştirak edib. 2022-ci ildən müğənninin üç mahnı “Bela”, “Şans” və “Çək” buraxlb.