İlk dəfə olaraq payızda Formula 1 Azərbaycan Qran Prisi keçiriləcək

Formula 1 2024-cü il Dünya Çempionatının təqvimini dərc edib və ona əsasən, Azərbaycan Qran Prisi ilk dəfə ilin ikinci yarısında, sentyabrın 13-dən 15-dək keçiriləcək. Ötən illərdə Bakıda yarışlar aprel və ya iyun aylarına nəzərdə tutulurdu. Belə ki, bu il Azərbaycan Qran Prisi 28-30 aprel tarixlərində baş tutub, qalib Red Bull komandasının sürücüsü Serxio Peres olub.

2024-cü ildə Formula 1 üzrə dünya çempionatı fevralın 29-da Bəhreyndə keçiriləcək mərhələ ilə başlayacaq və martın 2-dək davam edəcək. Final mərhələsi dekabrın 6-dan 8-dək Abu Dabidə keçiriləcək.