İşçilər gecikdirilmiş əmək haqqına görə kompensasiya ala biləcəklər

Azərbaycan Konstitusiya Məhkəməsi işçinin gecikdirilmiş əmək haqqına görə pul kompensasiyasının ödənilməsinə dair qərar qəbul edib. Əmək Məcəlləsinin 296-cı maddəsinin 4-cü hissəsində işçinin hüquqlarının pozulması aşkar edildiyi gündən bir il müddətində ödəniş üçün məhkəməyə müraciət etmək hüququ nəzərdə tutulur.

Qərarda aydınlıq gətirilir ki, Əmək Məcəlləsinin 172-ci maddəsinin 5-ci hissəsinə əsasən, “gecikdirilmiş hər gün üçün işçiyə əmək haqqının azı bir faizi miqdarında kompensasiya ödənilməlidir”. Bu, fərdi əmək mübahisəsi halında da tətbiq edilir. Bakı Apellyasiya Məhkəməsi Konstitusiya Məhkəməsindən qərarın bu hissəsini izah etməyi tələb edib.