İşğaldan azad edilmiş ərazilərdə işlər davam edir

Bu il 2158 keçmiş məcburi köçkünün azad edilmiş Cəbrayıl şəhərinə qayıtması planlaşdırılır. Hazırda şəhərin mərkəzində Azərbaycan Mənzil İnşaatı Dövlət Agentliyi tərəfindən 33 dörd və beşmərtəbəli yaşayış binalarından ibarət yaşayış kompleksi tikilir. Ümumilikdə 712 mənzil yeni sakinlərin ixtiyarına veriləcək.

Hazırda Xankəndində poçt şöbəsinin yaradılması, Şuşa, Laçın, Xocavənd və Əsgəran şəhərlərində poçt rabitəsinin təşkili üçün inzibati binaların axtarışı istiqamətində də işlər aparılır. Bildirilir ki, 2020-ci ildə Hadrut və Cocuq Mərcanlıda, 2022-ci ildə isə Zəngilan rayonunun Ağalı kəndində poçt şöbələri açılıb.