İşğaldan azad edilmiş ərazilərin bərpasına 11 milyard manat vəsait xərclənib

İşğaldan azad edilmiş ərazilərdə tikinti işləri fəal şəkildə aparılır. Bu günə kimi dövlət büdcəsindən bərpa işlərinə 11 milyard manat vəsait ayrılıb. Bunu Milli Məclisin iclasında “Azərbaycan Respublikasının 2024-cü il dövlət büdcəsi haqqında” qanun layihəsinin müzakirəsi zamanı maliyyə naziri Samir Şərifov deyib.

Nazirin sözlərinə görə, Qarabağın və Şərqi Zəngəzurun ölkə iqtisadiyyatına reinteqrasiyası qarşıdakı illər üçün prioritet məsələdir. 2023-cü ilin sonuna kimi bərpaya sərf olunan məbləğin 12 milyard manata çatacağı gözlənilir.