Kənd təsərrüfatının yoldaşları

Ötən həftə 16-cı Azərbaycan Beynəlxalq Kənd Təsərrüfatı Sərgisi “Caspian Agro” çərçivəsində ölkəmizdə kənd təsərrüfatı torpaqlarının monitorinqi üçün peyk təsvirlərindən istifadə edilməsinə dair saziş imzalanıb. Bildirilir ki, bu cür əməkdaşlıq məhsuldarlığın proqnozlaşdırılmasının, bitki xəstəliklərinin inkişaf dinamikasının və onların vegetasiya dövrünün monitorinqini təmin edəcək.

Aydınlaşdırılır ki, peyk çəkilişləri şumlanmış sahələrin monitorinqini aparmağa və deqradasiyaya uğramış torpaqları müəyyən etməyə imkan verəcək.

Gələcəkdə arxiv görüntüləri əsasında ərazilərin kənd təsərrüfatında istifadə olunan elektron xəritənin hazırlanması layihələrinin həyata keçirilməsi nəzərdə tutulur.