Kim dostur, kim isə elə belə?

Alyansın Təhlükəsizlik Şurası Qarabağ məsələsini müzakirə etdi

Ermənistanın xahişi ilə çağırılan fövqəladə iclasda BMT Təhlükəsizlik Şurası Qarabağdakı vəziyyəti müzakirə edib. 16 avqustda iclasda BMT Təhlükəsizlik Şurasının beş daimi və on müvəqqəti üzvü iştirak edib.

Dərhal qeyd etmək lazımdır ki, iclas Azərbaycan üçün uğurla başa çatıb və Bakı növbəti diplomatik uğura nail olub. Qərb nümayəndələrinin ölkəmizə təzyiqlərinə baxmayaraq, ABŞ tərəfindən moderatorluq edilən müzakirələrdən sonra BMT Təhlükəsizlik Şurası qətnamə qəbul etməyib və hətta mətbuat üçün açıqlama da verməyib.

Eyni zamanda qeyd etmək lazımdır ki, Təhlükəsizlik Şurasının yalnız bir daimi üzvü – Rusiya AR-nın ərazi bütövlüyü və suverenliyinə hörmətini bildirib və yeni reallıqları qəbul edib. İclasda bu mövqeni həmçinin Türkiyə və Braziliya dəstəkləyib.

İclasda çıxış edərək Azərbaycanın BMT yanında daimi nümayəndəsi Yaşar Əliyev manipulyasiya və beynəlxalq ictimaiyyətin çaşdırılması üzrə erməni kampaniyası haqqında danışıb, həmçinin bu məsələ barədə Azərbaycan rəhbərliyinin mövqeyi barədə məlumat verib. O, parlaq və inandırıcı çıxışında Qarabağdakı vəziyyəti ətraflı şəkildə təsvir edib.

Nəzərdə tutulduğu kimi, müzakirələrdə ən qərəzli mövqeyi Fransa nümayiş etdirib, hansına bu dəfə Yaponiya da qoşulub. Xüsusilə, bu ölkələrin nümayəndələri Natali Estival-Brodxerst və Kimihiro İsikane Qarabağla bağlı açıq şəkildə anti-Azərbaycan mövqe tutublar. Bundan başqa, iclasda Fransa nümayəndə heyətinin üzvlərinin davranışı şokedici olmasada nəzakətsiz idi: onlar Azərbaycan nümayəndələrini ilə belə salamlaşmadılar, bu isə bütün diplomatik normalara ziddir. Maraqlıdır, Fransa nümayəndə heyətinin üzvlərini bu açıq-saçıq rəftarına görə BMT-nin müvafiq qurumu cəzalandıracaqmı?

BMT Təhlükəsizlik Şurasının iclası təsdiq etdi ki, Bakının beynəlxalq arenada etibarlı tərəfdaşları var, ilk növbədə Moskva. Belə ki, Rusiyanın BMT-dəki daimi nümayəndəsinin birinci müavini Dmitri Polyanski müzakirələr zamanı bəyan edib ki, Ermənistan-Azərbaycan nizamlanması yalnız Bakı ilə İrəvanın dialoqu ilə mümkündür və kənardan yeridilən sxemlər onu əvəz etməyəcək. O qeyd edib ki, indi Qarabağda münaqişənin tez bir zamanda deeskalasiyası üçün həmişəkindən də daha çox addımlar tələb olunur. Xüsusilə, Ağdam-Xankəndi də daxil olmaqla, Laçın dəhlizindən başqa humanitar məqsədlər üçün digər yol marşrutlarına da baxmaq lazımdır. Polyanskinin sözlərinə görə, Ermənistan-Azərbaycan münaqişəsinin həlli “Azərbaycanın hüquq sahəsi çərçivəsində ümumi tanınmış beynəlxalq prinsiplər əsasında Qarabağ sakinlərinin təhlükəsizliyinə və hüquqlarına riayət olunmasına etibarlı və aydın zəmanət olmadan mümkün deyil. ” Buna baxmayaraq, Qərb ölkələrinin nümayəndələri alternativ marşrutlar variantını rədd etdilər və yalnız Laçın dəhlizinin blokdan açılmasında təkid edirdilər.

BMT Təhlükəsizlik Şurasında müzakirələr növbəti dəfə iki mühüm məqamı təsdiqlədi.

Birincisi, belə iclaslar əhəmiyyətə malik deyillər, çünki vəziyyət Azərbaycanın nəzarəti altındadır və son qərarını rəsmi Bakı qəbul edəcəkdir.

İkincisi, Brüssel və Vaşinqton meydançalarında danışıqlarda Azərbaycanın iştirakının məqsədəuyğunluğu sıfıra düşür.