Laçın yolu: Azərbaycana rahat təzyiq aləti

Laçın dəhlizi ətrafındakı vəziyyət Qərbin Cənubi Qafqazdakı missiyasının əsl məqsədini göstərən bir növ lakmus testinə çevrilib. Açıq-aşkar antiazərbaycan ritorikası regionda gərginliyi artırır və digər ölkələrin münaqişənin sülh yolu ilə həlli səylərinə zərbə vurur.

«Laçın» sərhəd-keçid məntəqəsinin fəaliyyəti müvəqqəti dayandırılandan bəri ABŞ və Avropadan Azərbaycana təzyiqlər ardıcıl olaraq artır. Əvvəlcə Laçın yolunun bağlanması ilə bağlı ehtiyatlı çağırışlar öz yerini humanitar böhrana səbəb olmaq kimi tamamilə qeyri-diplomatik ittihamlara verdi.

Bununla paralel olaraq, Avropa İttifaqının Bakı ilə razılaşdırılmamış monitorinq missiyası da fəaliyyətini genişləndirir. Avqust ayında Ermənistanın Sünik rayonunun Qafan şəhərində onun növbəti – artıq dördüncü əməliyyat mərkəzi açılıb. Missiyanın rəhbəri Markus Ritterin sözlərinə görə, ümumilikdə altı belə mərkəzin açılması planlaşdırılır.

Milli Məclisin deputatı Elman Nəsirov Aİ nümayəndələrinin regionda missiyanı genişləndirmək niyyətləri barədə bəyanatını şərh edib. O qeyd edib ki, əvvəlcə Mülki missiya hərbi-mülki missiyaya çevrilib və bu missiyanın nəhayət hərbi missiyaya çevrilməsi ehtimalı yüksəkdir. Siyasətçi bu missiya dürüst və obyektiv yerinə yetirəcəyinə inanmır.

Aİ-nin Azərbaycan sərhədləri yaxınlığında artan fəallığı bu təşkilata üzv ölkələrin antiazərbaycan mövqeyinə görə ciddi narahatlıq yaratmalıdır. İrəvan yüksək səviyyəli avropalı diplomat Josep Borrell-dən gizli dəstək alıb və Markus Ritter kəşfiyyat məlumatlarını hamı ilə bölüşməyi məqbul sayır. Avqust ayında bu məqsədlə Ritter ABŞ Senatının Xarici Əlaqələr Komitəsinin üzvləri Sara Arkin və Demian Mörfi, Estoniyanın Gürcüstan və Ermənistandakı səfiri Marina Kalyurandla görüşüb.

Ekspertlər də indiki vəziyyətdə Qərbin dağıdıcı rolunu vurğulayırlar. “Baku Network” ekspert platformasının direktoru Tural Gəncəliyev qeyd edib ki, bəzi deputatlar əsassız bəyanatları ilə Ermənistanda revanşist qüvvələri təşviq edir və Cənubi Qafqazda vəziyyətə xələl gətirirlər.

Aydın olur ki, Avropa İttifaqının missiyasının əsas məqsədi vəziyyətin həllində həqiqətən maraqlı olan ölkələrin Zaqafqaziyada sülhün bərqərar olmasına mane olmaqdır, çünki bu, Qərbə sərfəli deyil. Məhz buna görə də o, Ermənistanda revanşist əhval-ruhiyyəni təşviq etməyə davam edir.