Muğam mərkəzində bayram konserti keçirildi

44 günlük Vətən Müharibəsində Qələbə Günü və Dövlət Bayrağı Günü şərəfinə Bakıda Beynəlxalq Muğam Mərkəzində Azərbaycanın Xalq Artisti Fidan Hacıyevanın Musiqili Vokal Məktəbinin tələbələri çıxış ediblər. “Vətənim” adlı konsertdə “MEZZO” uşaq xoru və “MEZZO” qadın kamera orkestri, opera ifaçısı və Əməkdar Artist Fərid Əliyev, eləcə də Xalq Artistinin Azərbaycan Milli Konservatoriyasının tələbələri iştirak ediblər.

Bayram gecəsində Azərbaycanın himni səsləndirilib, şəhidlərin xatirəsi bir dəqiqəlik sükutla yad edilib. Konsert iştirakçıları Azərbaycan və dünya klassiklərinin vətənpərvərlik mövzusunda əsərlərini ifa etmiş, gecənin sonunda Müslüm Maqomayevin “Azərbaycan” kompozisiyası səsləndirilmişdir.