“Muzey gecəsi” bu həftə keçəcəkdir  

YARAT müasir incəsənət məkanı Bakı sakinlərini və qonaqlarını bu cümə, mayın 19-da ənənəvi “Muzey Gecəsi”nə dəvət edir. İştirakçıları Karl Qustav Yunqun məşhur arxetip nəzəriyyəsi ilə ilhamlanaraq “Kölgənin arxasında” adlı tədbir gözləyirlər. Təşkilatçılar bir sıra tamamilə müxtəlif tədbirlər və canlı konsert vəd edirlər.

Bu gecə müxtəlif meydançalarda interaktiv tur, Alina Yusupovanın perfomansları və “RAW” koderlərin dueti, Arzu Süleymanovanın mandaloterapiyası, Ramal Kazımın ustad dərsi, şəkərbura şousu və “Klub 22” intellektual oyun gözlənilir. Gecə tədbirləri “CallIt” və “MokuMoku” qruplarının canlı konserti ilə yekunlaşacaq.