“Neftçi”nin Dünya Seriyasında ikinci qələbəsi

Ötən həftə İsraildə Qadınlar arasında 3×3 Dünya Basketbol Seriyasının növbəti mərhələsi keçirilib. Azərbaycanın “Neftçi” basketbol klubu iyunda Şuşada qazandığı möhtəşəm uğurdan sonra ikinci dəfə qələbə qazanıb. İdmançılarımız bu dəfə Çin komandası ilə final görüşünü 16:12 hesabı ilə başa vurub.

İsrailin Netanya şəhərində keçirilən mərhələdə “Neftçi” basketbolçuları Hollandiya, Litva, Macarıstan, İsrail və Çindən olan rəqiblərinə qalib gəlib. Bu uğur komandaya 283 xal və Dünya Seriyasının ümumi cədvəlində 3-cü yeri təmin edib.