Novosibirskdə azərbaycanlı uşaqları və qocaları qaynar su fontanından xilas edib

Azərbaycan əsilli şəxs qəhrəmanlıq göstərib, baxmayaraq ki, özü belə düşünmür. Rusiya şəhərinin minnətdar sakinləri ona təsirli hədiyyə ediblər. Daha ətraflı materialda danışırıq.

Novosibirskdə Azərbaycan əsilli şəxs bir neçə onlarla insanı – uşaqları, qocaları və yoldan keçənləri qaynar su çayından keçirib. 45 yaşlı Rza Rzayev istilik trassasının partlamasına görə qaynar suyun axdığını görəndə kənarda dayana bilməyib. Həmyerlimiz xalq qəhrəmanı olub və heyran olan sakinlərin təşəkkürünü alıb.

17 yanvarda bazarda yükləyici işləyən Rza Rzayev növbədən qayıdırdı. O görüb ki, qaynar su kəsişməni basır, yoldan keçənlərin yolunu kəsir. Boruların partlamasına görə qaynar su fontanı yeddinci mərtəbəyədək qalxıb.

“Hər şey buxarla örtülmüşdü, ümumiyyətlə heç nə görünmürdü. İnsanlar qorxu içində dayanmışdılar və yolu keçə bilmirdilər. Bir hansısa köşk və laryoklara tərəf qaçdım, orada paletlər tapdım, onları dartıb gətirdim və keçid düzəltdim. Lakin insanlar dayanmışdılar və getməyə qorxurdular, uşaqlar ağlayırdılar. Mən isə artıq bu yolu yoxlamışdım. Uşaqların yanına qaçdım və dedim: “Qorxmayın, mən hamınızı xilas edəcəm”. Özgə uşağı olmur”, – Rza Rzayev danışdı.

Kişi uşaqları və qocaları qucağına alırdı və küçənin o biri tərəfinə keçirirdi. Qəzaya görə 14 nəfər xəsarət alıb, lakin həmyerlimiz olmasaydı, bu rəqəm dəfələrlə çox ola bilərdi. Rza özü iddia edir ki, onun hərəkətində qəhrəmanlıq yoxdur. Lakin sosial şəbəkələrdə onunla videonu izləyənlər belə düşünmürlər: İnternet istifadəçiləri Rzanın bu hərəkətinə heyran qalırlar və köməyinə görə ona təşəkkür edirlər.

“Əlcəklərim yaş olmuşdu, əllərimi demək olar ki hiss etmirdim, amma bunların hamısı boş şeydir. Özümün göz yaşları axırdı, çünkü çox qorxulu idi, amma dayanmaq olmazdı. Mən insanları, xüsusən də uşaqları çətin vəziyyətdə saxlaya bilmirdim. Mənim də uşaqlarım var. Kiçik qızıma dərs deyən müəllimi də keçirdim. Ümumilikdə 30-a yaxın adamı əllərimdə keçirdim”, – kişi xatırlayır.

“Mən 2010-cu ildən Novosibirskdə yaşayıram, işləyirəm. Bura artıq mənim ikinci vətənimdir”, – qəhrəman qeyd edir. Kişinin arvadı və qızları Azərbaycanda yaşayır. Onlar artıq qəzanın fotoşəkillərini görüblər və həmçinin atanı qəhrəman hesab edirlər. Yaxın vaxtlarda Rza yaxınlarını görüb qucaqlaya biləcək: minnətdar Novosibirsk sakinləri ona Bakıya və geriyə bilet alıblar. Rza yeddi aydan çox görmədiyi ailəsinin yanına uçacaqdır.

Qeyd edək ki, soydaşlarımızın bu cür hərəkətləri azərbaycanlılarla ruslar arasında dostluğu ən yüksək səviyyədə diplomatik bəyanatlardan daha yaxşı möhkəmləndirir.