NTD köçdü

Milli Basketbol Federasiyasının nümayəndələri məlumat veriblər ki, ölkənin ən qədim klublarından biri olan NTD bundan sonra “NTD-İndiqo” adı ilə çıxış edərək Xaçmaz şəhərini təmsil edəcək. Komandanın doğma meydançası indi yerli Olimpiya idman kompleksi olacaq.

Bildirilir ki, yenilənmiş komanda ölkə regionlarını təmsil edən Azərbaycan çempionatının 5-ci klubu olacaq. Paytaxtda oynamayan çempionatın digər iştirakçıları arasında Gəncə, Cəlilabad, Şəki və Sumqayıt da var.