Ölkədə ən yüksək maaşı kimlər alır?

Azərbaycan Dövlət Statistika Komitəsinin məlumatına görə, ötən ilin sonuna muzdla çalışan işçilərin orta aylıq nominal əmək haqqı 921,1 manat təşkil edib ki, bu da 2022-ci illə müqayisədə 11,3% çoxdur. Ən yüksək orta əmək haqqı neft sektorunda – 3491,7 manat, mədənçıxarma sənayesində isə 3353,1 manat təşkil edib.

Sonrakı yerləri maliyyə və sığorta – 2330,1 manat, elm, peşə və texniki fəaliyyət – 1536,8 manat, informasiya və rabitə – 1494,2 manat, dövlət idarəetməsi, sosial müdafiə və sosial təminat – 1308,9 manat, nəqliyyat və anbar təsərrüfatında çalışan işçilər tutur. Ən aşağı əməkhaqqı su təsərrüfatı, tullantı sularının təmizlənməsi və emalı sahələrində çalışan işçilərdədir – 689,7 manat, kənd təsərrüfatı, meşə və balıqçılıq təsərrüfatında – 545,7 manat.