Ölkədə yeni peşə məktəbləri açılır

Peşə Təhsili üzrə Dövlət Agentliyinin direktor vəzifəsini icra edən Ceyhun Kərimov bu il Azərbaycanın iki şəhərində müasir müəssisələrin istifadəyə veriləcəyini açıqlayıb. Cəlilabadda kənd təsərrüfatı və mebel sənayesi, Lənkəranda isə kənd təsərrüfatı və turizm sahələri üzrə işçilər hazırlanacaq.

Qarabağ iqtisadi rayonunda daha səkkiz peşə məktəbi tikiləcək. 2025-ci ilə qədər Füzulidə məktəbin açılışı nəzərdə tutulur ki, onun da təməli artıq qoyulub. Gələcəkdə Quba, Qax, Qazax, Tovuz və digər rayonlarda peşə təhsili mərkəzləri yaranacaq. Həmçinin qeyd olunur ki, 2023-2024-cü illərdə 6 mindən çox insan Qarabağa köçürülməmişdən altı ay əvvəl ixtisasartırma kurslarına cəlb olunacaq.