Ölkənin ən yaxşı gənc boksçuları müəyyənləşib

Gənc boksçular arasında keçirilən Azərbaycan çempionatında ölkəmizin müxtəlif bölgələrindən 74 komandanın 400-dən çox idmançısı iştirak edib. Turnirin ümumi komanda hesabında üç qalib müəyyənləşib: Sumqayıt, “Qızıl Əlcək” idman klubu və Gəncə.

Döyüşlər bir həftə ərzində Boks Mərkəzində baş tutub. Yarış 14 çəki dərəcəsində qalibləri müəyyən etməyə imkan verib. Çempionlar Rüstəm Şahbazov, Əli Məmmədov, Zakir Həsənzadə, İsmayıl Rzayev, Bağır Əmirxanlı, Sübhan Babayev, Haqverdi Həsənov, Nurlan Abışov, Kənan Aslanlı, Valeh Eyvazlı, Rza Rzayev, İsmayıl Vəliyev, Əmir Abasov və Səftər Məmmədzadə olub.

Çempionatın qalibləri və ikinciləri Azərbaycanı beynəlxalq arenada ölkə yığma komandasının tərkibində təmsil etmək imkanı əldə edirlər.