Özəl uşaq bağçaları pulsuz olacaq

Azərbaycanın Elm və Təhsil Nazirliyi dövlət uşaq bağçalarında yer çatışmazlığı problemini həll etmək üçün özəl uşaq bağçalarına subsidiya verəcək. İdarə gələn ilin sentyabrında məktəbəqədər təhsil sahəsində özəl uşaq bağçalarının maliyyələşdirilməsini nəzərdə tutan dövlət-özəl tərəfdaşlığı üzrə pilot layihəyə start verməyi planlaşdırır.

Elm və təhsil naziri Emin Əmrullayev qeyd edib ki, hazırda Azərbaycanda məktəbəqədər təhsillə əhatə 1 yaşdan 5 yaşa qədər olan uşaqların 36-37 faizini təşkil edir. Bir tərəfdən, bu rəqəm inkişaf etmiş ölkələrlə müqayisədə xeyli aşağıdır. Amma eyni zamanda, cəmi 10 il əvvəl ölkədə uşaqların cəmi 16 faizi məktəbəqədər təhsil müəssisələrinə cəlb olunub.