Paytaxtda mədəniyyət xadimlərinin portretlərindən ibarət sərgi keçiriləcək

İyunun 9 və 10-da İçərişəhərdəki “Q Gallery” qalereyasında azərbaycanlı rəssam Röya Həsənin “İz” adlı fərdi sərgisi keçiriləcək. Burada ölkəmizin rəssamlarının, sənətkarların, bəstəkarlarının, rejissorlarının, aktyorlarının və digər görkəmli şəxsiyyətlərinin portretlərini, eləcə də Azərbaycanın mənzərələrini əks etdirən 27 əsər nümayiş olunacaq.

Sərgi Azərbaycan Dövlət Mədəniyyət və İncəsənət Universiteti və “Arts Council Azerbaijan” QHT-nin təşkilatçılığı ilə reallaşıb.

Röya Həsən Azərbaycan Dövlət Mədəniyyət və İncəsənət Universitetinin Təsviri incəsənət kafedrasının müəllimi, Azərbaycan Rəssamlar İttifaqının üzvüdür. O, istər Azərbaycanda, istərsə də xaricdə müxtəlif tədbirlərin və sərgilərin iştirakçısıdır.