Paytaxtda muğam festivalı keçirilir

Həftənin sonuna kimi Bakıda “Muğam aləmi” VI Beynəlxalq Musiqi Festivalı davam edir. 2009-cu ildən bu tədbirdə elmi simpoziumlar, muğam ifaçılarının müsabiqəsi və dünya şöhrətli ifaçıların çıxışları keçirilir. Tədbir Heydər Əliyev Fondu və Azərbaycan Mədəniyyət Nazirliyinin təşkilatçılığı ilə keçirilir.

Bu il əməkdar artist Elçin Şirinov, əməkdar artist Fərqanə Qasımova, əfqan rübabı və hind sarodunun dünya şöhrətli ifaçısı Daud Xan Sadozai, Kraliça Elizabet tərəfindən “Rəqs sənətinə töhfəsinə görə” almaz yubiley medalı ilə təltif olunmuş Saşar Zərif və türk xalq musiqisinin məşhur ifaçısı Sənəm Akdemirin və digər xarici qonaqlar çıxış ediblər.