Paytaxtın pulsuz çimərlikləri əhali üçün açıqdır

Azərbaycanda çimərlik mövsümünün açılması ilə Bakıətrafı qəsəbələrdə – Şıx, Goradil, Novxanı, Buzovna, Pirşağı və Sahil kəndlərində pulsuz nümunəvi çimərliklər fəaliyyətə başlayıb. Onlar paltardəyişmə kabinələri və duş kabinələri, besedkalar, çətirlər, skamyalar, günəş şezlongları, zibil qabları, futbol və voleybol meydançaları, Fövqəladə Hallar Nazirliyinin təcili tibbi yardım məntəqələri və xilasetmə məntəqələri ilə təchiz olunub.

Sahil çimərliyində fiziki məhdudiyyətli insanlar üçün əlavə olaraq xüsusi cığırlar, panduslar və digər istirahət obyektləri quraşdırılıb. Qeyd olunur ki, gələcəkdə Bakının digər ictimai çimərlikləri də analoji infrastrukturla təchiz olunacaq.

Çimərlik ərazilərinin təmizlənməsi və abadlaşdırılması Heydər Əliyev Fondunun vitse-prezidenti, IDEA ictimai birliyinin rəhbəri Leyla Əliyevanın təşəbbüsü ilə həyata keçirilib.