“Qəbələ” futbol klubunun hesabına 200 qələbə

“Qəbələ” Azərbaycan Premyer Liqasında 200-cü qələbəsini qazanıb. Bu, 18-ci tur çərçivəsində Qəbələ şəhər stadionunda keçirilən oyunda Elmar Baxşıyevin komandası “Sabah”la qarşılaşıb və 1:0 hesabı ilə qalib gəlib. Bununla da “Qəbələ” ölkə çempionatları tarixində 200 qələbəlik həddini keçən yeddinci komanda oldu.

“Qəbələ”nin tarixi uğuru 522-ci oyunda baş verib. Komanda evdə 113, səfərdə isə 87 qələbə qazanıb. “Qəbələ” Premyer Liqada ilk qələbəsini 2006-cı il avqustun 26-da səfərdə “Hüsar Şahdağ”la 1:0 hesabı ilə qazanıb.