Rasim Balayev mükafat aldı

Azərbaycan prezidenti İlham Əliyevin sərəncamı ilə Azərbaycan mədəniyyətinin inkişafında böyük xidmətlərinə görə azərbaycanlı aktyor Rasim Balayev “İstiqlal” ordeni ilə təltif edilib. Balayev həm də Azərbaycan Kinematoqrafçılar İttifaqının sədridir. Avqustun 8-də aktyor yubileyini qeyd edib, onun 75 yaşı tamam olub.

Bundan əvvəl Rasim Balayev “Şöhrət” və “Şərəf” ordenləri ilə təltif edilmişdi.

Aktyor “Nəsimi”, “Babək”, “Dədə Qorqud” filmlərindəki baş rolları ilə tanınır. Ümumilikdə o, 60-dan çox Azərbaycan filmində çəkilmişdir.