Röya Azərbaycanda qeyri-adi konsert verəcək

Sentyabrın 1, 2 və 3-də Azərbaycanın xalq artisti Röya Ayxan Bakı Konqres Mərkəzində solo konsert proqramı ilə çıxış edəcək. Müğənni tamaşaçılara qeyri-adi musiqili şou təqdim edəcək – o, tədbirə bir neçə gün qalmış Bakıya çatdırılacaq robotlarla yanaşı səhnədə özünün 24 ən məşhur bəstəsini ifa edəcək. Röya bir neçə həftə əvvəl konsertin məşqlərinə başlayıb.

Şou proqramın rejissoru Ranar Musayev, prodüseri Kənan Bayramov olacaq.

Röya Ayxan (əsl adı Röyalə Nəcəfova) “İlin ifaçısı”, “İlin konserti”, Türkiyənin “Altın Kelebek” mükafatı və bir çox digərlərinin qalibidir. O, vaxtilə bəstəkar Vaqif Gərayzadənin yaratdığı W-trio qrupunun solisti olub.