Şəkiyə sel yağdı

Ötən həftə Şəki rayonunda leysan hadisələri nəticəsində yol infrastrukturuna ziyan dəyib. Azərbaycan Avtomobil Yolları Dövlət Agentliyindən AzVision.az -a verilən məlumata görə, avtomobil yolunun Baş Göynük kəndi ərazisindən keçən 10-12-ci km-lik hissəsinə daha çox ziyan dəyib. Şinçay çayı üzərində 169 metr uzunluğunda olan körpüdə palçıq, qum və daşdan ibarət sel suları əmələ gəlib və avtomobillərin hərəkətinə mane olub.

Dərhal zərərçəkmiş əraziyə xüsusi texnika və agentliyin əməkdaşları göndərilib. Onlar yolu qısa müddətdə lildən, palçıqdan, qum-çınqıldan təmizləyib, açıq dərələri bərpa edib, hərəkətin fasiləsizliyini və təhlükəsizliyini təmin ediblər.