Sərgidə təqdim olunan milli sərvət

Yanvarın 21-dək Bakıda Azərbaycan Milli Xalça Muzeyində “amana qalib gələn milli irsimiz” sərgisi keçirilir. Burada XVII-XX-ci əsrlərə aid nadir xalça və xalça məmulatları, tikmələr, milli geyimlər, zərgərlik nümunələri, bədii metal, keramika qabları və müasir məmulatlar, ümumilikdə 30-a yaxın eksponat nümayiş etdirilir.

Muzeyin xalça və dekorativ-tətbiqi sənət nümunələrinin konservasiyası, bərpası və profilaktik nəzarəti şöbəsində 2022-2023-cü illərdə bütün eksponatlar bərpa olunub.

Sərginin açılış mərasimində Azərbaycan Milli İncəsənət Muzeyinin direktoru Şirin Məlikova, əməkdar mədəniyyət işçiləri Sədaqət Əliyeva və Zərifə Məlikova, əməkdar rəssam Məmmədhüseyn Hüseynov və digər qonaqlar iştirak ediblər.