Təhsildə rekord

Azərbaycanın Elm və Təhsil Nazirliyi 2023-cü ildə qeydə alınan rekorddan – ölkədə 10 min əcnəbi tələbənin təhsil aldığından danışıb. Bu cür göstəricilər qəbul qaydalarının sadələşdirilməsi və onlayn platformada ərizə təqdim etməyin rahatlığı sayəsində mümkün olub.

Həmçinin ötən il yüzlərlə əcnəbi tələbənin beş il ərzində ölkəmizdə təhsil almasına imkan verən “Heydər Əliyev adına Beynəlxalq Təhsil Qrantı” proqramına start verilib. Qrant üçün müraciət edənlər arasında İslam Əməkdaşlıq Təşkilatına, Qoşulmama Hərəkatına üzv ölkələrdən, İnkişaf etməkdə olan Kiçik Ada Dövlətləri qrupuna daxil olan ölkələrdən olan tələbələr və öz ölkələrindəki milli azlıqlara mənsub digər vətəndaşlar var.