TÜRKSOY başa çatır

Oktyabrın 31-də Şuşa və Bakıda keçirilən TÜRKSOY I Beynəlxalq Teatr Festivalı bu gün başa çatır. Tədbir çərçivəsində Özbəkistan, Qırğızıstan, Qazaxıstan, Türkmənistan və Türkiyədən teatr tamaşaları nümayiş etdirilib. TÜRKSOY-a üzv ölkələrin dövlət teatr rəhbərləri şurasının IX iclası da keçirilib.

Mədəniyyət Nazirliyindən verilən məlumata görə, festival çərçivəsində üç əlamətdar tarixi hadisə-Azərbaycan xalqının ümummilli lideri Heydər əliyevin anadan olmasının 100 illiyi, Azərbaycan Peşəkar Milli Teatrının 150 illiyi və TÜRKSOY-un 30 illiyi qeyd olunub. Festivalın iştirakçıları İstanbul Dövlət Teatrı, Səmərqənd regional Musiqili Dram Teatrı, K. Jantoşev adına İssık-Kul regional Musiqili Dram Teatrı, Türküstan Musiqili-Dram Teatrı və Türkmənistanın Məhtumkuli adına Musiqili-Dram Teatrı idi.