“Uzun Həsən – Ağqoyunlu dövlətinin hökmdarı” sərgisi açılır

Heydər Əliyev Mərkəzində “Uzun Həsən – Ağqoyunlu dövlətinin hökmdarı” adlı unikal sərgi açılıb. Açılış mərasimində Heydər Əliyev Mərkəzinin direktoru Anar Ələkbərov, Azərbaycanın mədəniyyət naziri Adil Kərimli, dövlət və ictimaiyyət xadimləri, mədəniyyət və elm nümayəndələri, diplomatik missiyaların rəhbərləri və digər fəxri qonaqlar iştirak ediblər. Tədbirdə ümummilli lider Heydər Əliyevin Uzun Həsənin tarixi rolundan bəhs edən videoçarx nümayiş etdirilib.

Sərgidə Milli Azərbaycan Tarixi Muzeyi, Azərbaycan Milli İncəsənət Muzeyi, Azərbaycan Milli Xalça Muzeyi, Gəncə Tarix-Diyarşünaslıq Muzeyi və Azərbaycan Milli Kitabxanasının kolleksiyalarından XV əsrə aid 80-ə yaxın eksponat nümayiş etdirilir. Bunlardan Uzun Həsənin, oğlu və varisi Sultan Yaqubun zirehləri, hökmdarın paltarları, Azərbaycan döyüşçülərinin silahları, Ağqoyunlular dövlətinin sikkələri və digər əşyalar var.