Xeyriyyəçilik üçün “Qəlbin naxışları”

Paytaxtın “QGallery” rəsm qalereyası qonaqları məşhur Azərbaycan rəssamı Milena Nəbiyevanın əsərlərindən ibarət fərdi sərgiyə dəvət edir. “Qəlbin naxışları” adlı sərgidə müxtəlif mövzularda 20 yeni əsər təqdim olunur. Rəsmlərin satışından əldə olunan gəlir xeyriyyəçiliyə gedəcək.

Milena Nəbiyeva Təbiəti Mühafizə Cəmiyyətinin sədr müavini, “Həyata ümid” Xeyriyyə Fondunun rəhbəridir.

Sərginin açılışında Azərbaycan Rəssamlar İttifaqının katibi, Azərbaycan Dövlət Rəssamlıq Akademiyasının prorektoru Səlhab Məmmədov, xalq rəssamları Cəlil Hüseynov və professor Arif Hüseynov, Azərbaycan Dövlət Rəssamlıq Akademiyasının prorektoru, Xalq Rəssamı, professor Fuad Salayev və ölkəmizin mədəniyyət və incəsənətinin digər parlaq nümayəndələri iştirak ediblər.