YARAT-da yeni sərgi keçirilir

Oktyabrın 22-dək YARAT Müasir İncəsənət Mərkəzində Aida Mahmudovanın “Cənnət gözləyə bilər” sərgisi və ustaların “Yeddinci tənhalıq” kollektiv ekspozisiyası keçirilir. Onlarla əsər tamaşaçıya sənətkarın həyata baxışını, onun döngələrini təqdim edir.

Sərgi sahəsinin sifarişi ilə Hüseyn Haqverdiyev, Tərlan Qorçu, Orxan Hüseynov, Ramal Kazım, Novruz Məmmədov, Fərəc Rəhmanov, Eltac Zeynalov, İsmayıl Səfərəli və Nadir Eminov öz unikal işlərini kollektiv ekspozisiya üçün təqdim ediblər.