Yayın sonunda super ayı müşahidə etmək olar

Avqustun 30-dan 31-nə keçən gecə səmada super ay görünəcək. Bakı Dövlət Universitetinin Fizika fakültəsinin Astrofizika kafedrasının məlumatına görə, bu zaman Aya olan məsafə cəmi 357 181 km olacaq, ona görə də müşahidə edilən Super Ayı ilin ən böyük Superayı adlandırmaq olar.

Unikal fenomen 9 saat 45 dəqiqə davam edəcək. Avqustun 30-da Bakı vaxtı ilə saat 19:52-də Ay Yerə ən yaxın məsafədə olacaq, avqustun 31-i saat 05:37-də isə tam ay fazasına daxil olacaq.