Azərbaycanda qədim artefaktlar tapılıb

Salyan rayonunun Qırxçıraq qədim yaşayış məntəqəsində orta əsrlərə aid divar qalıqları və məişət əşyaları aşkar edilib. İnstitutun “Arxeoloji abidələr kolleksiyası” şöbəsinin müdiri Mikayıl Mustafayev bildirib ki, XII-XVI əsrlərə aid olan yaşayış məntəqəsinin ərazisindən şirli və şirsiz keramika məmulatları, müxtəlif ölçülü çıraqlar və digər mədəniyyət əşyaları aşkar edilib.

Arxeologiya, Etnoqrafiya və Antropologiya İnstitutunun və Azərbaycanın Mədəniyyət Nazirliyinin əməkdaşları tərəfindən rayon ərazisində qeydə alınan abidələrin monitorinqi nəticəsində artefaktlar aşkar edilib.